Во Февруари 2025 година, во Република Македонија евидентирани се 366 случаи на овчи сипаници, 68 на шуга и три на заразни заушки, според најновиот извештај на Институтот за јавно здравје (ИЈЗ) објавен денес.
Во текот на минатиот месец, пријавени се вкупно 746 заболени лица од акутни заразни заболувања, без вклучување на Ковид-19, грип, туберкулоза, СИДА, АФП и хронични носителства на хепатит Б и Ц и ХИВ, со вкупна инциденца од 40,6 на 100.000 жители. Во споредба со Јануари, бројот на заболени е намален за 11,3%.
Најголем број случаи се регистрирани во Скопје, додека најмал број во Охрид. Овчите сипаници се најчестото заболување, со 366 пријавени случаи, што претставува намалување од 32,6% во однос на јануари, а намалување од 44,6% во споредба со Февруари 2024.
Во Февруари се пријавени и 22 случаи на инфективна мононуклеоза, 13 случаи на скарлатина, 4 на голема кашлица, еден на легионерска болест, и 18 на салмонела. Исто така, евидентирани се 68 случаи на Шуга и 1 на бактеријски менингитис. Во категоријата сексуално и крвно преносливи инфекции (без ХИВ/СИДА), пријавени се 7 случаи, вклучувајќи 4 случаи на вирусен хепатитис Б и 3 на инфекција со хламидија.
Од пријавените случаи на ХИВ, два се потврдени, а еден случај на СИДА, сите од машки пол, од возрасната група 20-49 години. Во 2024 година, евидентиран е еден смртен случај од СИДА.
Од три случаи на заразни заушки, два се од возрасната група 10-14 години, а еден е возрасно лице над 50 години. Два случаи се од Скопје, а еден од Куманово. Еден случај е комплетно вакциниран, додека два други имаат непознат вакцинален статус.
За Ковид-19, во Февруари се пријавени само седум случаи, според податоците на ИЈЗ.
