Црвениот аларм од пациенти болни од канцер, дека нема биолошка терапија на клиниката за онкологија итно ги седна на иста маса владините претставници, раководството на ФЗОМ и на клиниката. Со анекс договори за потребната биолошка терапија и два други лекови од терпијата кои ќе бидат донација од страна на производителот ќе се решава кризата на онкологија.
Недостатокот на лекови е само продлжение на хаосот на онкологија кој што владее години нанзад.Според раководството на Онкологија потребно е време да се решат нерегуларностите и проблемите кои се таложеле со години. Од клиниката велат сегашната состојба била резултат на процедурите и буџетот од лани во кој не било предвидено дека во Македонија постојано расте бројот на заболени од канцер.
За болните од канцер засега нема шест лекови од биолошката терапија. Станува збор за лекови кои ги примаат пациентите со рак на бели дробови, за гинеколошки тумори, за дојка и за дебело црево.
