Малите и средни бизниси во Македонија не инвестираат во заштита на сајбер просторот и се подложни на хакерски напади од коишто трпат огромна штета. Не само фирмите туку и граѓаните имаат ниска свест за присуството на сајбер криминалот во земјава, света универзитетскиот професор по компјутерски науки Југослав Ачкоски. Според него во Македнија потребно е да се формира Агенција за сајбер простор по примерот на развиените земји. Бизнис секторот и владините институции треба да инвестираат во образованието, сајбер безбедноста и подобрувањето на односите со патнерските држави и институции, подвлекува Ачкоски.
Според познавачите, граѓаните не се доволно информирани и имаат ниска свест за заштита на сајбер просторот. Лозинката од 8 карактери со алгоритмите на вештачката интелегенција се пробива многу лесно, предупредува Ачкоски. Развиените земји веќе ја имаат заборавено лозинката, кај нив е воведена употреба на биометриски карактеристики во системите.
Според статистиката на МВР ланската година во земјава има двојно повеќе пријави од луѓе за сајбер злоупотреби од претходната 2022. Додека пак пријавите од страна на фирмите за минатата гоодина во однос на 2022-та, двојно се намалени.
До Секторот за Компјутерски Криминал при МВР, за 2022 година од страна на физички лица доставени се 77 пријави, а од страна на правни лица доставени се 49 пријави, додека за 2023 година од страна на физички лица доставени се 175 пријави, а од страна на правни лица доставени се 22 пријави, информираат од Секторот за Компјутерски Криминал при МВР.
Имано, според последната анкета на Националниот центар за одговор на компјутерски инциденти при Агенцијата за електронски комуникации, 72,5 отсто од граѓаните во државата преземаат мерки на безбедност при користење интернет. Тие за заштитуваат со антивирусни програми. Станува збор за население од 35 до 55 години коешто имаат повисоко образование. Резултатите од анкетата се за последните два месеци од минатата година.
