Убиле 62 годишен маж, а по пет дена убија и 76 годишна жена во Ѓорче Петров. Двајца скопјани се осомничени за убиствата во скопската населба. Еден е веќе приведен и се наоѓа во полициската станица во Карпош додека, вториот се уште го бара полицијата.
Алфа од полицски извори дознава дека и двете убиства биле извешени на речиси идентичен начин при кражба во домовите на жрвите. Убиените се пронајдени со врзана уста и со слични траги на насилство по целото тело. Осомничените многу веројатно биле добро информирани дека жртвите поседувале одредена сума на пари и злато. Неофицијално по убиствата биле лоцирани и како се движат околу казина во Скопје – информација за која потврда треба да даде истрагата.
Потрага по потенцијалните убијци започнала уште утринава. Полицајците лоцирале еден од осомничените и тој бил уапсен во село Визбегово, по што е спроведен во полициска станица на распит. Вториот пак се уште не е пронајден. Неофицијално полицијата му влегла во трага и тој се уште се крие на скопска територија.
Изутрината за убиството на 76 годишната на 192 пријавила нејзината ќерка. . Веднаш повикала и брза помош, но лекарите само констатирале смрт.
Известен е јавен обвинител по чии насоки телото е дадено на обдукција. СВР Скопје презема мерки за утврдување на причините и за расчистување на случајот, информираат од МВР.
Првата жртва е маж на 62 годишна возраст, кој беше пронајден мртов во својот дом пред само пет дена исто така со видливи повреди .
Истражните органи не споделуваат официјално деталза околностите под кои биле пронајдени жртвите. Обдукцијата пак ќе покаже дали повредите се резултат на крвничко тепање или удари со некаков предмет, и дали поради тоа настапила смртта или можеби станува збор за задушување.
Се очекуваат и дополнителни инфромации околу тоа дали двајцата осомничени насилно влегувале во домовите по што ги напаѓале жртвите.
