“Подобро да се спречи отколку да се лечи” – ова е пораката на докторите во пресрет на формирањето на националната скрининг програма за рана детекција на рак на црниот дроб. Здружението “Хепар” и Клиниката за гастроентерохепатологија со поддршка од Владата со скрининг програмата ќе ја подигнуваат свеста кај граѓаните за редовни прегледи за рано откривање на канцер на црн дроб.Директорката на Киниката вели дека ракот на овој орган е “тивок убиец” .Нема симтоми, а болеста брзо станува прогресивна.Според д-р Трајковска, спасот за помалку болни и ширење на болеста е скринигот и редовните контроли на пациентите.
Скинингот ќе се одвива преку матичните лекари.Тие ќе имаат термини преку системот “Мој термин”.Пациентите што ќе се согласат за прегледи, веднаш ќе бидат упатени на Клиниката за гастроентерохепатологија, која е опремена со најсовремени апарати. Се очекува голем одзив, особено од постарата популација велат специјалистите.
Скрининг програми во Македонија има за рана детекција на рак на дебело црево,матка, дојка и канцер на проста.
Ракот на црниот дроб е еден од најтешките видови на рак за дијагностицирање и лекување, и поради оваа причина болеста продолжува да има висока стапка на смртност ширум светот. Раната дијагноза и ефективниот третман се клучни за зголемување на шансите за преживување на пациентите.
