Селекторот на српската фудбалска репрезентација, Драган Стојковиќ, денеска покажа голема хуманост и изрази сочувство до семејствата на загинатите во пожарот во Кочани.
Тој исто така откри дека планира да предложи организирање хуманитарен натпревар меѓу Србија и Македонија, преку кој би се собрале средства за помош на настраданите.
„Би сакал да изразам сочувство до семејствата на жртвите. Ќе предложам Фудбалскиот сојуз на Србија да се контактира со македонскиот сојуз за евентуално организирање пријателски натпревар од хуманитарен карактер“, изјави популарниот Пикси на прес-конференцијата во Стара Пазова, пред дуелите со Австрија во баражот за останување во А дивизијата од Лигата на нации.
Пожарот избувна во ноќта меѓу саботата и неделата во дискотека во Кочани, при што загинаа најмалку 59 лица, а повеќе од 150 се повредени.
