Цените на повеќе од 300 лекови во Македонија паѓаат. Намалувањето опфаќа широк спектар на терапии – од хронични болести до секојдневни медицински потреби. Во фокусот е лекот „Ксарелто“, кој го користат пациенти со сериозни кардиоваскуларни заболувања. Неговата цена драматично се намалува ако досега беше над 2.300 денари од мај ќе чини околу 1.600. Според првиот човек на Фондот за здравство оваа мерка е една од најзначајните интервенции во фармацевтскиот сектор во последниве години.
Колку и да се намалуваат цените на лековите, сепак навиката на граѓаните е потребните медикаменти да ги купуваат од соседството, проблемот не е само во цената – туку и во достапноста – вели Клековски. Според него,тоа се должи на законските регулативи. Во Србија има поголема позитивна листа, а во Косово лековите ги немаат поминато сите контроли.
Во Македонија, дури 60 проценти од смртноста се должи на срцеви и мозочни удари – бројка што сериозно загрижува и отвора прашања за здравствениот систем и превенцијата.
Токму затоа, од ФЗОМ најавуваат следното ажурирање на позитивната листа да биде насочено токму кон овие пациенти. Планот е на следното проширување на листата, да има лек и за пациентите со канцер на простата.
