Во интерес на јавното здравје на целата женска популација, Универзитетската Клиника за Гинекологија и Акушерство го воведува Tension-Free Vaginal Tape (TVT) и Transobturator Tape (TOT) – напредни минимално инвазивни хируршки методи за третман на неволно испуштање на урина, со што се отвора ново поглавје во грижата за женското здравје во Македонија.
Што е стресна уринарна инконтиненција?
Неволното испуштање на урина (уринарна стрес инконтиненција) е се почест проблем со кој се соочува современата жена.
По иницијатива на Проф. Д-р Ирена Алексиоска Папестиев, директорка на клиниката, повторно е отпочната интервенцијата која ќе и го отстрани проблемот на секоја една пациентка која се соочува со оваа проблематика.
Во рамки на билатералната соработка помеѓу Клиниката за гинекологија и акушерство – Скопје и Универзитетската Клиника за Гинекологија и Акушерство – Љубљана, Словенија, нашите доктори Проф. Д-р Ирена Алексиоска Папестиев и Ас. Др. Боривоје Павловски, за време на нивниот престој во Словенија, имаа можност да се усовршуваат за најсовремените пристапи за третман на неволното испуштање на урина.
Како продолжување на оваа соработка, на Клиниката за гинекологија и акушерство во Скопје беше организирана стручна работилница, предводена од еден од водечките европски едукатори за минимално инвазивна хирургија, терапија и третман на урогинекологија, Проф. Д-р Мија Благање од Љубљана.
За време на оваа обука, беа демонстрирани двете техники за минимално инвазивен третман, а успешно беа изведени и повеќе TVT и TOT процедури.
