На Универзитетската клиника за радиотерапија и онкологија, се прават максимални напори за што побрзо пристигнување на дефицитарните лекови. Од клиниката информираат дека сите потребни постапки се при крај, со цел пациентите да ги добијат неопходните терапии, без натамошни доцнења.
„Постапката, од наша страна, е целосно завршена. Управната контрола, во Бирото за јавни набавки, беше успешно комплетирана за многу кратко време. Во моментов, течи рокот за жалби, а предметот е во рацете на државната комисија за жалби по јавни набавки“, информираат од клиниката за онкологија.
„Нашата цел е лековите да бидат доставени на клиниката до крајот на неделава“, додаваат од онкологија.
