Се намалува проблемот со недостапност на онколошки лекови во аптеките. Откако онколошките пациенти алармираа на недостаток на таблетарна терапија, како и тоа дека не можат да испитаат тумор маркери во нивните населени места, од Фондот за здравство велат дека еден лек го немало, а сега е достапен во аптеките, а за друг повторно се распишал тендер и набрзо треба да започне дистрибуцијата.
Од ФЗОМ велат дека на пациентите кои ги купуваат поевтините лекови, трошоците редовно ќе им бидат рефундирани. Дополнително вели дека тумор маркери се прават во 50 здравствени установи во земјава, од кои 15 здравствени домови, 23 болници и 12 приватни установи. Тој смета дека ова е добра географска покриеност.
Фондот за здравствено осигурување ќе го менува Правилникот за да натера што повеќе лекари да работат во рурални подрачја. Целта на овие измени е да се создадат поповолни услови за отворање ординации во рурални подрачја. Директорот Сашо Клековски ги повика граѓаните и сите заинтересирани страни да достават предлози до први ноември.
Целта на овие измени е да се создадат поповолни услови за отворање ординации во рурални подрачја. Во моментов, од 96 планирани матични лекари, работат само 44, што значи дека недостасуваат 52 лекари во ридско-планински средини. Тие најголем проблем имаат брзо да создадат база на пациенти, да вработат медицинска сестра, да ги покријат трошоците на стартот на работењето. Инаку, годинава капитацијата на матичните лекари се зголеми за 33%.
