Денеска во Занаетчиски дом се одржа едукативна средба, како трета фаза од Еразмус+ проектот „Champions in Meaningful PE for inclusion and diversity“, координиран од Marry Imaculate College од Ирска, информираа денеска од општина Куманово. Организатор на средбата е Здружение на спортски педагози Куманово, во соработка со Фондација за култура и спорт. На настанот се обратија професори од Факултетот за образовни науки на УГД, претседателката на Советот, Ивана Ѓорѓиевска и раководители во Општината, кои потрачаа дека физичката активност создава здрави животни навики.
-Наставници по ФЗО – пионери во имплементација на Meaningful PE: Кате Бујароска – Ангелеска од ООУ „Григор Прличев“ – Охрид, Методи Петров од ООУ „Ванчо Прке“ – Штип и Југослав Спасиќ од ООУ „Крсте Мисирков“ – Куманово, го презентираа концептот на физичко образование, основните принципи и примена во настава во основно образование, со акцент на одделенска настава. Професорите споделија искуства за варијации на имплементација на принципите во различни ситуации на наставен час, преку примена на демократски и рефлективни педагошки мерки и придобивки, од аспект на поттикнување инклузија и различности- соопштија од општина Куманово.
Во проектот, покрај Универзитетот „Гоце Делчев“-Штип, вклучени се и универзитети и наставници од Норвешка, Данска, Шпанија, Ирска и Шкотска, како и експерти од Канада и Шкотска. Се работи за нов пристап што се имплементира на глобално ниво како „Значајно физичко образование – Meaningful PE“.
