Не постои опасност од девалвација на македонскиот денар. Нашата валута е стабилна и има фиксен девизен курс, со што се овозможува Македонија, да води стабилна монетарна политика, смета универзитетскиот професор Стеван Габер. .
„За разлика од минатите години кога имало одредени шокови, овој изминат период може да забележиме дека тоа не се случува. Тоа значи дека имаме една смирена ситуација и немаме некој посебни стресови. И од тој аспект конечно можам да потврдам дека денарот е стабилен и со оглед на тоа каква ни е економската состојба во државата, мислам дека идеално решение во поглед на тоа каква монетарна политика треба да се води„ изјави проф.Стеван Габер, од Економскиот универзитет при УГД, Штип.
Според професорот ,новиот пакет тарифи за царина што го воведе Доналд Трамп, ќе преставува сериозен удар за глобалната економија, но не и за нас. Нашата држава е мала и нема голема изложеност на трговијата со САД, смета Габер. .
„Ние како мала држава, којашто немаме толку голема отвореност или изложеност на трговија со САД, не би требало да имаме големи негативни ефекти но, секако препораката е да оди во насока , ова што сега го прави владата, преку даночната администрација да се договорат и се усогласат тарифните политики во тој дел. И верувам дека после тоа работата нема да биде толку сериозна. Од аспект на другите економиии тоа нема да биде така, ќе има поголеми негативни последици„ изјави проф.Стеван Габер.
На денешната трибина со која штипскиот Универзитет го одбележа денот на монетарното осамостојување, пред идните економисти зборуваше и директорката на Управата јававни приходи, Елена Петрова.
