Грипот коси, амбулантите и болниците полни со пациенти. Пикот на заразени со инфлуенца се очекува да биде кон средината на февруари велат од Инстиутот за јавно здравје. Меѓу заразените најбројни се децата.
Од 13 до 19 јануари евидентирани се 1.412 случаи на групни пријави за заболени од грип .Според бројките на ИЈЗ тоа претставува 34, 1 отсто повеќе во споредба со претходната недела. Од новозаболените, 848 лица се на возраст од 15 до 64 години. Во 251 случај станува збор за деца на возраст од пет до 14 години. Додека, 200 се деца на возраст до четири години. Останатите 113 се лица на возраст над 65 години.
Од ИЈЗ алармираат дека со почетокот на второто полугодие за учениците и дружењето на луѓето во затворен простор поради ниските температури, се дел од факторите што ќе предизвикаат поголем број на заболени од инфлуенца.
Од Институтот потсетија дека вакцинацијата е најдобрата заштита од сезонски грип.
Граѓаните со подeлени мислења, за некој вакцината е “спасот” од грипот, а за дел инфекцијата ја превенираат со витманини и чаеви.
Лекарите велат, вакцината штити од тешки форми на болеста, хоспитализација и од смртен исход. Годинава вакцина против грип во земјава примија повеќе од 72.300 луѓе.
