Македонската економија расте најбрзо во регионот и има потенцијал да продолжи засилено да се развива. Последниот извештај на Светска банка за регионот на Западен Балкан ја рангира Македонија највисоко по постигнатото досега годинава. Она што дополнително охрабрува е што прогнозите за растот на економијата се подобрени. За разлика од пролетната, актуелната прогноза на Светска банка е подобрена и предвидува раст на економијата годинава од 3,2%.
Овие бројки се позитивен сигнал, особено во услови на глобални економски предизвици и нафтената криза. За Светска банка, предизвикот не е само за Македонија, туку и за регионот, како да се обезбедат поголема продуктивност, развој на бизнисите и инвестициите за да се обезбедат долгорочен развој и приближување кон стандардот на ЕУ.
Македонија е фокусирана на ова и веќе активно работи на серија крупни инфраструктурни проекти кои ја движат економијата. Премиерот Христијан Мицкоски е задоволен и најавува дека Владата ќе продолжи засилено со политиките за развој на инвестициите и поддршка на домашниот бизнис.
