Според „Глобал Тајмс“, Кина сè повеќе се развива во центар на светската дипломатија, посочувајќи дека е исклучително ретко една земја да ги угости лидерите на САД и на Русија еден по друг во рок од седум дена. По нив, сега посета на Кина најави и српскиот претседател Александар Вучиќ, од 24 до 28 мај.
Ова патување Вучиќ вели дека го смета за круна на неговата кариера, бидејќи кај кинескиот лидер Си Џинпинг оди по скорешната посета на американскиот претседател Доналд Трамп и актуелната на рускиот претседател Владимир Путин. Потоа рече дека неговите очекувања од посетата на Кина се големи, со оглед на зголемената трговска размена.
