Две лица загинаа, а 33 се повредени во тешката сообраќајна несреќа во Хрватска, во која автобус со српски регистарски ознаки се преврте на автопатот, на околу 40 километри од Загреб. Во автобусот имало вкупно 35 луѓе, од кои шестмина се здобиле со тешки телесни повреди, а 27 поминале со полесни повреди. Сите се згрижени во пет здравствени установи во Загреб. Станува збор за автобус на српската компанија „Ниш експрес“, кој ја пробил заштитната ограда, по што се превртел.
