Одлуката за домашен притвор е на обвинителството. Истото она со 2 посто доверба и за кое СДСM се бореше да биде несменето до последниот здив. Сите забелешки може да ги испратат до таа адреса, и до омилените на Венко обвинители, велат од ВМРО ДПМНЕ.
СДСМ треба да се договори со себе бидејќи се исклучително недоследни. Изутрина тврдат дека ДУИ одработува за ВМРО ДПМНЕ, а сега дека е обратно.
А всушност СДСМ се вистински во паника затоа што нивниот криминоген другар Артан Груби може да проговори за сите ортачки криминали на владите на Зоран и Вице, на Венко и Ковачевски, за бизнисите на Зечевиќ.
Зошто врхушката на СДСМ денес заседаваше и “вртеше”телефони интересирајќи се за исказот на Артан Груби во обвинителство. Ова е и причината зошто СДСМ во случајот со Груби се однесува по логиката иста на онаа: “лопов вели држете го лоповот”.
Црната кутија за криминалите на СДСМ и ДУИ падна. Прашање на време е кога “исплашените” од СДСМ ќе му прават на судските клупи друштво на Артан Груби.
