Објавивме повик за организирање на саемот „Вкуси ја традицијата преку домашна здрава храна“ во Скопје, за што обезбедивме еден милион денари преку Програмата за финансиска поддршка на руралниот развој за 2026 година, соопшти денеска министерот за земјоделство, шумарство и водостопанство, Борче Серафимовски.
– Ги повикувам земјоделските здруженија и задруги, општините, стопанските комори, научните и образовните установи и истражувачите што ги исполнуваат условите да достават предлог. Рокот за доставување предлози е 15 дена од објавувањето на повикот – објави министерот на неговата Фејсбук-страница.
Повеќе детали за повикот може да се погледнат на официјалната веб-страница на Министерството за земјоделство, шумарство и водостопанство.
