Реклама

Хаосот со кравите во Крива Паланка ја премина секоја граница, ВМРО-ДПМНЕ му нуди готов акциски план на градоначалникот Митовски

Последниот бугарски цар „политички некоректен“ кон Радев: Местото на Македонија е во ЕУ, историјата да се остави на историчарите

Пензиите, игрите на среќа и наплатата на даноци во фокусот на пратеничките прашања

Цанов објави нови пораки од Ива Михајлова: „Сите ќе умреме уште вечерва“ – барала да го повлече видеото за наводните притисоци од ДАНС

Владата ќе ги модернизира патарините, дигитализацијата и вештачката интелегенција треба да бидат во функција на побрзо патување

На повидок раскол во ДУИ: Груби и Османи, преку свои верни пиони влегоа во отворен судир за превласт

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Економија

Славески: 80 години централно банкарство – независност, професионалност и интегритет за идни успеси

„Стабилноста ќе остане јавно добро, довербата најскапоцениот капитал, а одговорноста наша обврска“,…

Сподели:
Фото: Алфа Вести

„Стабилноста ќе остане јавно добро, довербата најскапоцениот капитал, а одговорноста наша обврска“, порача гувернерот Трајко Славески на Свечената академија на Народната банка, по повод јубилејот – 80 години централно банкарство.

На Свечената академија во Музејот на Народната банка присуствуваа претседателката Гордана Сиљановска-Давкова, претседателот на Собранието Африм Гаши, премиерот Христијан Мицкоски, претставници на дипломатскиот кор, соработници од бизнис заедницата, меѓународните финансиски институции, како и вработени и поранешни вработени. Беше прикажан кусометражен филм преку кој беа оживеани спомените за активностите, посветеноста и резултатите што ги одбележаа изминатите 80 години централнобанкарско работење.

Гувернерот Славески го честита јубилејот и посочи дека довербата – како темел врз којшто почива успехот на секоја централна банка, секојдневно се зајакнува со јасни одлуки, отворена комуникација и непоколеблива посветеност на јавниот интерес. Потсети на одлуките и чекорите што овозможија Народната банка да стекне име, идентитет и доверба, државата – монетарна сувереност и монетарно осамостојување,  а граѓаните  – стабилност.

Реклама

Претседателката Сиљановска-Давкова  оцени дека Народната банка во изминатите осум децении ги разви своите институционални, аналитички и оперативни капацитети, соочувајќи се со домашните и со меѓународните предизвици и борејќи се за одржување на ценовната стабилност и стабилноста на девизниот курс.

„Зад неа се осум децении правен и институционален континуитет и меморија за трансформацијата на финансиските, економските и општествените односи, за домаќинското водење и менаџирање, врз основа на вредностите коишто ги отелотворува, за заслужената доверба којашто ја ужива и за способноста да одговори на предизвиците “, рече претседателката Сиљановска-Давкова, потенцирајќи дека осумдесетгодишното наследство на Народната банка е важна основа за идниот развој, но истовремено и обврска за постојано унапредување на институционалните капацитети.

Во изминатиот период на политички и економски неизвесности, дел домашни, а сѐ поголем дел глобални, Народната банка успешно ја одржуваше  стабилноста на цените, стабилноста на домашната валута и стабилноста на банкарскиот систем.

Според гувернерот Славески, како резултат на визијата, истрајноста и континуираната реформска агенда, Народната банка, ја докажа усогласеноста со европските и глобални стандарди, направи сериозни исчекори во доменот на финансиската стабилност, ги зајакна процесите на одлучување со здрава аналитичка инфраструктура, го применува највисокиот статистички стандард, СДДС плус и е активен двигател на иновациите во ерата на дигитализација и финтек-иновациите. Особено го нагласи членството во СЕПА, информирајќи дека за помалку од една година, надоместоците за прекуграничните плаќања во евра се намалени до шест пати за граѓаните и до девет пати за компаниите. Пред гостите на свечената академија, гувернерот Славески вети дека Народната банка ќе ја чува својата независност, професионалност и интегритет. „Нашата генерација ја наследи оваа институција и нашата должност е да ја предадеме посилна, со повеќе знаење, со поголема доверба, со уште поцврсти институционални темели. И кога една идна генерација ќе го одбележува стогодишниот јубилеј на македонското централно банкарство, би сакал да може да кажат дека ние не бевме само чувари на едно вредно наследство, но и генерацијата која истото го продолжи за поколенијата коишто доаѓаат по нас“, рече Славески.