Не побарале надомест за оштетени куќи, вили и хациенди, но побарале времено запирање на работите во државниот каменолом поради наводно оштетени куќи, вили и хациенди. Контрадикторни постапки на ореовчани кои завршиле и со изгубен судски спор.
Дел од соптвениците на имоти во ова село прават се и се жалат секаде во обид да го блокираат пристапот до државниот каменолом од кој треба да се вади материјал за изградба на автопатот, дел од Коридорот 10-Д; но сите анализи покажуваат а сите институции потврдуваат дека нема ништо спорно.
Прилепскиот Основен суд донел конечна пресуда дека нема никакви пречки да продолжат активностите. Ореовчани се жалеле на Апелација, а на повтореното судење повторно изгубиле.
„Стратешкиот партнер може да продолжи без никакво ограничување со подготвителните работи, вклучувајќи привремени работи и поставување на локации.“ – се вели во пресудата од Основен Суд- Прилеп.
Во пресудата стои и дека како докази биле изведени резултати од мерни инструменти кои покажуваат дека бучавата и вибрациите не отстапуваат од дозволените граници, а било анализирано и растојанието на каменоломот. Конечната одлука е дека нема ништо спорно.
„Сите концесии за истражување и експлоатација на минерални суровини неопходни за изградба на државни патишта се издаваат со рок на важност до завршување на имплементацијата на Проектот.“- се вели во пресудата.
Инаку дел од сопствениците на куќи, вили и хациенди од Ореовец речиси две години не дозволуваат пристап до државниот каменолом од кој треба да се вади материјал за изградба на автопатот Прилеп – Битола.
Проценките се дека штетите од овие блокади можат да надминат дури 150 милиони евра, поради пенали кои би морала да ги плаќа државата но и поради трошоци за купување на материјали од приватни ископувачи наместо од државно земјиште.
Симптоматично е што оние кои ја попречуваат градбата на автопатот преку блокирање на пристапот до државниот каменолом, немаат ништо против неколку приватни каменоломи кои во овој крај работат со години.
