Општина Неготино доделува по 3.000 денари за секое прваче во учебната 2026/2027 година, информира градоначалничката Марија Нацева.
– Како и минатите, така и оваа година, Општина Неготино од сопственикот буџет издвојува финансиски средства за доделување на еднократна парична поддршка од 3.000 денари за секое прваче, а врз основа на Програмата за образование на локалната самоуправа за 2026 година – пишува Нацева на Фејсбук.
Таа појаснува дека по извршената изработка на техничката документација и ажурирањето на потребните податоци, на сметките на родителите – старателите на 153 првачиња во двете основни училишта во градот и подрачните во населените места, Општината извршила исплата на средствата. Тоа, како што вели, значи поддршка за родителите во пресрет на стартот на новата учебна година.
