Градоначалникот на Општина Виница, Митко Костадинивски денес го именуваше советникот Орце Христовски на функцијата заменик градоначалник.
Неговото именување има за цел унапредување на координацијата на градските политики и поефикасна реализација на приоритетните проекти.
Орце Христовски е дипломиран професор по географија со долгогодишно искуство во приватниот сектор и во Агенцијата за вработување на Република Македонија, каде беше раководител од 2014 до 2019 година.
Важи за човек со интегритет, исклучително чесен и стручен човек, кој како дел од тимот на советници со сигурност ќе работи уште повеќе да ја приближи општината до граѓаните преку редовен дијалог и достапност за сите граѓани, како што знае и веќе тоа го прави долги години во институцијата во која е вработен, велат од Општината.
