Гроздоберот стартува порано, цените утврдени навреме. Министерот за земјоделство Цветан Трипуновски задоволен од постигнатите цени од 20,8 денари за килограм Вранец и 18,3 денари за Смедеревка. Овие цени се за 2,8, односно 3,3 денари по килограм повисоки од ланските. Трипуновски вели дека цените се истакнати на терен, инспекторите го контролираат процесот за грозјето да биде платено соодветно на квалитетот.
Годинава се очекува намален род на грозјето поради проблемите со наводнувањето и климатските промени. Трипуновски уверува дека новото раководство на Водостопанство ќе ги исправи проблемите со достапноста на водата за лозарите и ќе ги санира сите уништени системи.
Лозарите задоволни откако добија историски највисока цена за грозјето. Од Националната федерација на фармери велат дека конечно системскиот пристап дал резултат и ги повикаа инспекторите да излезат на терен за да спречат евентуални манипулации со шекерните единици од страна на откупувачите. Побараа и од винарниците д аги почитуваат договорените цени. Инаку, минатата недела беа исплатени субвенции за произведено и предадено винско грозје во висина од 953 илјади евра кон 4.100 лозари.
