Кандидатот за градоначалник од Движењето ЗНАМ-За наша Македонија, Максим Димитриевски на денешната прес-конференција ги повика кумановци на 2 ноември масовно да излезат и да гласаат за бројот 2. Тој кажа дека изминатиов период реализирал 800-тини проекти и најави реализација на двојно повеќе.
– Пред самиот завршеток на кампањата за избор на следниот градоначалник на општина Куманово ви се обраќам од овде, од малиот градски плоштад, на оваа прекрасно место во градот да излезете во недела направете го вистинскиот избор, бидејќи Куманово продолжува да се развива и да се гради. Куманово заслужува континуитет, Куманово не заслужува импровизација, рече Димитриевски.
Тој кажа дека граѓаните од различните делови од градот се сложуваат дека постојано се работи.
– Одам во текот на кампањата, во селата ми велат работиш само во градот, одам во градот ми велат работиш само во селата. Одам кај моите Албанци, ми велат работиш кај Македонците, одам кај моите Македонци, Срби велат работиш само кај Албанците, но едно е јасно сите велат дека работам, рече Димитриевски.
Тој најави дека ќе продолжи да работи, да се развива градот, укажувајќи дека проблеми секогаш има, но дека негова работа е да бидат во што е можно помал број.
– Го сакам нашиот град, ве повикувам излезете во недела масовно, дајте ја вашата поддршка за бројот 2, за мене за вашиот градоначалник, Максим Димитриевски бидејќи Куманово знае, но и Македонија знае, рече Димитриевски.
