Поради недостаток на кадар и ова лето туристичкиот сектор тоне.Извисија сопствениците на хотелско-угостителските објекти кои очекуваа улогата на келнери и кувари да им ја доверуваат на странци. Долгоочекуваниот персонал од Јужна и Југоисточна Азија,никако да стигне.
” Покушавме да добиеме персонал од агенции од Непал од Филипини преку агенции и тоа упорно уште од април се обидуваме да добиеме сега ќе донесат после ќе донесат, договори вакви, онакви меѓутоа ево до денес ние од странство не добивме персолан мада се согласивме на сите на сите нивни барања.”-вели Даница Бачева,хотелиер
Експетите по туризам од почеток имаа негативен став околу носење на странски кадар,се обистинија нивните укажувања дека ова не само што нема да го реши проблемот,туку ќе отвори нови рани.
” Еден негативен имиџ кој се појави дека битно им е да се вработаат па да избегаат кон Австрија и кон Германија дека ги снемува одеднаш а работавачот ги вработил платил давачки и одеднаш ги нема,тоа е процес кој трае десетина години не може тоа преку ноќ да се среди” – проф.др. Зоран Тунтев-универзитетски професор
Туристичките работници кои останаа без жив човек,во безизлез недостатокот на работна сила го пополнуваат ангажирајќи претежно ученици и студенти.
“Работна снага многу тешко се наоѓа и тие што ги наоѓаме треба да ги научиме, необучени се често и слабо работат,треба по пропис не може, има стандарди за работење во хотел.Не може да се работи како било.Значи акутен проблем број еден во Охрид за туризмот е работната снага,било собарици, било келнери”
Вработените во угостителскиот сектор се соочуваа со ниски плати, неисплатени часови прекувремена работа, нивниот труд не се вреднуваше-сето тоа не доведе во ваква безизлезна ситуација. Хотелиерите сега бараат Македонијада го промени законот за вработување и работа на странци и по примерот на Хрватска да ја укине квотата за работни дозволи за странци. Ако хрватите кои ја собраа македонската работна сила во угостителството,годишно издавајќи 108.000 работни дозволи за странци,нашата држава законски издава само 3.700 дозволи и тоа во услови кога македонците масовно се иселуваат.
Новинар Росица Голабоска
