Струмичкото комунално претпријатие преку Министерството за транспорт доби нова опрема за чистење која се состои од две машини за метење и една цистерна со зафатнина од 9 илјади литри.
Според градоначалникот Петар Јанков, кој денеска беше на увид на новата опрема, на наредната седница на Советот опремата и официјално ќе биде предадена на „Комуналец“.
-Возилата се обезбедени преку Министерството за транспорт и врски и сме благодарни за поддршката што ја дава ова министерство на Општина Струмица. Со овие возила ќе обезбедуваме подобра услуга кон граѓаните и компаниите. Наредната недела очекуваме да го добиеме возилото за собирање смет кое е обезбедено преку Југоисточниот плански регион, а оебзбедивме и еден трактор со комплетна механизација донација од општествено одговорна компанија, рече градоначалникот Јанков.
Директорот на „Комуналец“, Кире Синдраковски, истакна дека со новата опрема се зголемува капацитетот на претпријатието за да се подобрат услугите кон граѓаните, но посочи дека опремата за собирање смет, посебно камионите, се многу застарени и работат на подобрување на оваа состојба и ќе се настојува да се обезбедат нови возила.
