Случајот со непотребните операции на срце, се уште чека институционална разврска. Министерот за здравство, Сашо Клековски вели дека во моментов не може да постапи, бидејќи нема безбедносен сертификат за пристап до документите и информациите потребни за случајот.Но, наводите се премногу сериозни за да останат заглавени во институционални процедури.Странската лекарска комисија утврди дека од 13 пациенти, кај дури 9 била направена кардиохируршка интервенција за која не постоела медицинска потреба.Извештајот од комисијата треба да биде предаден во рацете на обвинителството.
“Јас не можам во моментов да постапам бидејќи, се уште немам безбедносен сертификат.Имам аплицирано, го поминав интервјуто, и очекувам дека чим се создадат законски услови ќе го направам тоа. Како што имам направено за сите претходни случаи каде што има сомнежи за сторен криминал” – вели министерот Сашо Клековски.
Инаку, по повод Светскиот ден на срцето, здравствените власти организираа преветивни бесплатни прегледи за граѓаните.Им се мереше крвниот притисок, тежината и висината но и добија лекарски совети. Според статистиките, во Македонија има двапати поголема предвремена смртност од кардиоваскуларни заболувања од европскиот просек..
Лекарската фела со апел што повеќе да се работи на превенцијата и раната дијагностика.
Бројките покажуваат дека највисока е смртноста кај луѓето помеѓу 30-тата и 70-тата година од животот. Кардиоваскуларните заболувања предизвикуваат околу 20 милиони смртни случаи годишно во светот.
