Во време на глобална економска и енергетска криза, странските гости не се откажуваат од Македонија. Турци, Срби, Германци и Пољаци се меѓу најброните во земјава, која кај дел од нив останала на врвот на желбите за посета. Ова го потврдуваат податоците од Државниот завод за статистика, кој регистрирал над милион гости за само девет месеци и зголемување од 3 проценти споредено со истиот период лани. Но, растот се должи пред се на странските гости кои ја посетиле земјава и решиле да преноќат. Па така во првите девет месеци од годинава, борјот на странски гости е зголемен за 3 проценти, додека пак бројот на ноќевања на странците е поголем за 4,6 отсто споредено со истиот период лани. Овие бројки се охрабрувачки за туристичкиот сектор, бидејќи државата пребројала над милион туристи за само девет месеци, што е раст од 3 проценти на странски гости споредено со истиот период лани. Но раздвижување има и кај домашните туристи. Статистика бележи зголемување од 2,8 отсто, а бројот на ноќевања е зголемен за 2,4 отсто.
Според податоците на Државниот завод за статистика само во септември оваа година, Македонија ја посетиле 136.305 туристи. Најголем дел од нив, односно три четвртини биле странски гости, а секој четврти турист бил од Македонија. Во септември биле остварени 264.370 ноќевања. Домашните гости оствариле повеќе ноќевања во споредба со истиот месец лани, додека кај странските туристи бројката е намалена.
Според информациите на месечно ниво, повторно најголем број посетители во земјава од страна на турски гости, за кои Македонија претставува една од поважните дестинации кога станува збор за одмор, но и за рекреација. По нив следуваат соседите од Север и гостите од Германија.
Резултатите од зголемениот број на туристи се должат на досегашните активности на македонската Влада која во изминатиот период успеа да воведе низа директни авионски линии од Скопје и од Охрид. На почетокот од годинава Вицепремиерот и Министер за Транспорт Александар Николоски најави воедување на нови директни авионски линии, а нивната реализација во минатиот период успеа Македонија да ја остави високо на интересот на странците. Па странските гости не изостанаа, иако имаше стравувања од пропаст на туристичката сезона по почетокот на војната на Блискиот Исток.
Со директни линиите од охридскиот аердром беа поврзани два полски градови. Нова авио линија од Вроцлав која стартуваше на почетокот на сезоната и враќање на авионот Катовице. Некој месец порано Охридскиот аеродром беше директно поврзан и со нова Линија од и до Милано, со што го зголемија бројот на странси туристи во туристичкиот бисер на Македонија. До Скопскиот аеродром од месец март во функција беа линиите Неапол и Будимпешта, а се воведоа малку подоцна и дректни летови до Палермо и Алегро до Италија и Трабзон и Самсун во Турција. За следната година дговорено е враќање и на летовите кон ОАЕ, а се отвора и директна линија до Тиват, кој ќе биде поврзан со линијата Скопје – Подгорица и обратно.
