Судијката што пресудила во корист на Заев избрана во Врховен суд, неизбран остана судијата што го ослободи Мијалков со укинување пресуда – вака денеска одлучи судскиот совет. Судијките Анита Бошковска и Катерина Георгиевска од сега ќе судат граѓански предмети во Врховниот, избрани со 10 гласа „за“ и со само 2 „против“.
Неизбран остана судијата Енвер Беџети од Апелација, познат како еден од петте судии што одлучија „Таргет – Тврдина“ да се суди одново и со тоа го ослободија Сашо Мијалков. Според јавно објавените пресуди, Бошковска до сега судела спорови по жалба, кои се однесуваат на надомест на штета и долгови.
Георгиевска судела слични спорови како нејзината колешка, но и предмети за утврдување одговорност за клевета. Таа судела и на предметот во кој тужител бил зоран заев, при што ја одбила жалбата на тужениот и ја потврдила пресудата во корист на експремиерот. Судијката Катерина Георгиевска е и сопруга на обвинителот Влатко Георгиевски од републичкото јавно обвинителство.
