Високото образование во нашата земја веќе подолго време има потреба од реформа. Ова го знаат студентите, професорите, родителите и секое семејство кое ги испраќа своите деца на универзитет. Со години, високото образование е оставено да функционира со проблеми што сите ги гледале, но малкумина имале храброст да ги допрат. Се создаде чувство на несигурност кај младите, убедување дека студиите не секогаш ја даваат вредноста што треба и дека патот кон успехот многу често се бара надвор од земјата, а не тука, се вели во соопштението на ВРЕДИ. Ова е болно за секое семејство.
Токму затоа, Законот за високо образование треба да се гледа како потреба на времето и како чекор за уредување на една област што е директно поврзана со судбината на младите.
За ВЛЕН, суштината на овој закон е СТУДЕНТОТ.
Студентот треба да биде во центарот, не само во зборови, туку и во одлучувањето. Затоа, со Законот за високо образование, за прв пат студентот станува дел од Националниот совет за високо образование. Ова значи дека студентот повеќе нема да биде само оној што ги чека одлуките од другите, туку ќе го има својот глас таму каде што се одлучува за високото образование.
Овој закон е важен и затоа што има за цел да го зголеми квалитетот. На нашата земја не ѝ се потребни дипломи без тежина, туку сериозни универзитети, стандарди и образование што ги подготвува младите за животот и за пазарот на трудот.
Колку повеќе квалитет и перспектива изградиме тука, толку повеќе причини ќе имаат младите да останат овде.
Затоа, ние го поддржуваме овој закон како неопходен чекор кон поквалитетен систем, каде студентот се слуша, квалитетот се зголемува и младите добиваат повеќе надеж за иднината.
Она што ВЛЕН го прави препознатлив е работата, додека образованието на албански јазик за нас е национален приоритет.
