Во Законодавниот дом попладнево ќе се одржи дводневна Национална дебата за улогата на Собранието во процесот на пристапување во ЕУ.
Како што информираат од собраниската прес-служба, на првата Пленарна сесија на тема „Моделот на вклучување на Собранието во процесот на пристапување кон ЕУ“ ќе говорат претседателот на законодавниот дом, Африм Гаши, Зоран Димитровски, заменик-министер за надворешни работи и надворешна трговија, Фани Каранфилова-Пановска, заменик-претседателка на СДСМ, Марија Ристеска, извршна директорка на Центарот за истражување и креирање политики – ЦРПМ и Гордан Георгиев, поранешен пратеник и претседател на Форумот за разумни политики.
На утрешната втора Пленарна сесија тема „Работните тела на Собранието на Република Северна Македонија и процесот на пристапување кон ЕУ“ ќе се обраќаат Беким Сали, прв заменик-претседател на Владата и министер за европски прашања, Венко Филипче, претседател на Националниот совет за евроинтеграции, Ели Панова, членка на Комисијата за европски прашања, Бујар Османи, поранешен министер за надворешни работи и Цветанка Иванова, поранешна генерална секретарка на Собранието.
