Температурите низ целата држава утрово се над нула. Најстудено било во Берово каде се измерени два степена, а најтопло во Виница, Крушево и на Зајчев Рид во Скопје каде утринската температура е 10 степени.
За денеска се најавува променливо облачно време со сончеви периоди и ветер од јужен правец кој ќе биде позасилен долж Повардарието. Максималната температура ќе биде во интервал од 21 до 27 степени.
Веќе од утре од попладневните часови се најавуваат повторно локални врнежи од дожд кои ќе бидат пообилни во петок.
