Уште двајца од повредените млади луѓе во дискотеката „Пулс“ се пуштени на домашно лекување. На болничко лекување сè уште се тројца. Нивната состојба е критична, но не е животозагрозувачка. Еден од повредените се уште се лекува во Истанбул, шест пациенти одат на лекување во „Пирогов“ во Скопје. Двајца од пациентите имаат отворени рани, но тие се лекуваат во Кочанската болница, истакна директорот на Фондот за здравство, Сашо Клековски, кој попладнево беше во посета на Кочанската општа болница.
Врвен хирург за пластика од Белгија правел проценка на сите на кои им е потребна реконструктивна интервенција. Засега е утврдено дека на 18 од повредените им е потребна пластична хирургија, но уште е рано за такви интервенции. Пред помалку од десеттина дена заврши проектот „Пониква“, каде рехабилитација поминаа околу деведесетина од повредените во дискотеката „Пулс“.
