Нови апсења се случуваат во Државна лотарија

Нема крај на криминалот во Државна лотарија. Алфа дознава дека во моментов Управата за финансиска полиција, во координација со Обвинителството, спроведува акција за нов случај поврзан со сомнежи за криминал во работењето на Државна лотарија. Приведена е поранешна раководителка на финансии во Државната лотарија, како и уште едно лице, а злоупотребата се однесува на периодот додека со Државна лотарија раководел поранешниот директор, Перпари́м Бајрами. Тие се сомничат за проневера на околу 80 милиони денари, односно околу 1,3 милиони евра. Акцијата е во тек, а се очекува во текот на денот надлежните институции да соопштат повеќе детали за случајот, за евентуално други лица опфатени со истрагата и за сомнителните дејствија што им се ставаат на товар на приведените.