Само неколку часа откако се закани со нови напади врз Иран, американскиот претседател Доналд Трамп изрази оптимизам за постигнување мировен договор. „Во текот на изминатите 24 часа имавме многу добри разговори и многу е веројатно дека ќе постигнеме договор“, им рече Трамп на новинарите во Овалната канцеларија во Белата куќа. Според Трамп, има напредок и по една клучна точка: „Иран не смее да има нуклеарно оружје… и тие се согласија за тоа“, рече тој на прес-конференцијата. Режимот во Техеран, како што тврди, се согласил и за други точки, но не прецизираше кои.
