Во Средното општинско училиште „Миле Јаневски-Џингар“ денеска беше успешно реализирана тактичко-показна вежба на Територијалната противпожарна единица (ТППЕ) Македонска Каменица, посветена на евакуација, спасување и гасење пожар.
Преку симулација на реална ситуација, припадниците на ТППЕ ја демонстрираа својата подготвеност, брза реакција и висок степен на координација, потврдувајќи ја професионалноста и посветеноста во заштитата на граѓаните.
-Вежбата имаше за цел да ја подигне свеста и подготвеноста кај учениците и вработените за справување со итни ситуации, како и да придонесе кон јакнење на безбедносната култура во образовните институции, информираа од училиштето.
Вежбата ја проследи и градоначалничката на Македонска Каменица, Соња Стаменкова, која истакна дека локалната самоуправа ќе продолжи да вложува во мерки и активности кои ја зголемуваат безбедноста и сигурноста на граѓаните.
Воедно, таа изрази искрена благодарност до ТППЕ Македонска Каменица за нивната пожртвуваност и професионален ангажман.
