Странските инвестиции остануваат значаен двигател на македонската економија. Позитивните ефекти се повеќекратни – директно вбризгување капитал и трансфер на нови технологии, како и креирање на нови работни места со висока додадена вредност. Експертите коментираат дека државата мора да продолжи со политиката на поддршка на меѓунардоните компании.
„ Со тоа што ќе се отворат нови работни места, ќе се зголеми обемот на работа на компаниите, а истите апро по на тоа е претпоставката дека ќе направат повеќе обрт, повеќе пари, повеќе профит, вели Сашо Маневски, финансиски експерт.
Инвестирањето во време на геополитички предизвици е уште еден доказ за довербата во државните политики што ги спроведува Македонија.
„Економскиот раст се генерира од два извора. Од инвестициите и резултатот од инвестициите, А, вториот од продуктивноста на работниците. Тие се основата на зголемената економска активност. Во зависност од нивото на инвестициите ќе зависи зголемувањето на растот на економијата. И тоа е многу битен фактор, освен другите фактори кои се генератори на економскиот раст“, вели Маневски.
Инаку во последната анкета спроведена меѓу странските инвеститори, 55% се изјасниле дека повторно би вложиле во Македонија што е зголемување за 13 процентни поени во однос минатата година.
