Потпретседателот на Собранието, Антонијо Милошоски денеска оствари работна средба со амбасадорот на Кралството Шведска Ола Сулстром, придружуван од заменик-шеф на мисијата Елизабет Далберг Фриск.
Како што информираат од собраниската прес-служба, на средбата биле потенцирани одличните билатерални односи на двете држави, засновани на меѓусебна доверба и почит, со посебен фокус на парламентарната и економската соработка.
Потпретседателот Милошоски се заблагодарил за континуираната поддршка која нашата држава ја добива од Кралството Шведска во процесот на ЕУ-интеграциите.
