Поевтин дизел, пониска цена и за бензините. Продолжува трендот на намалување на цената на горивата. Од полноќ, дизелот се намалува за 2,5 денари по литар, додека пак бензините поефтинуваат за денар и половина за литар. Па така, според последните пресметки од регулаторната комисија за енергетика, дизелот ќе се продава за 95,5 денари за литар, еуросуперот за 84, односно 82 денари за литар. Поевтина цена имаат и мазутот и екстра лесното масло за домаќинство
ЦЕНИ НА НАФТЕНИ ДЕРИВАТИ 15.04.2026
ЕУРОСУПЕР 95 82 (денари/литар)
ЕУРОСУПЕР 98 84 (денари/литар)
ЕУРОДИЗЕЛ 95,50 (денари/литар)
Екстра лесно масло 96,50 (денари/литар)
Мазут 49.277 (денари/килограм)
Дополнително, на овие цени се очекува и попустот кој ОКТА го дава на своите коминенти од 3 денари за дизелот, односно два денара за бензините. Со овој попуст цените кои ги утврди Регулаторна би требало да бидат уште пониски.
Со ова, Македонија останува меѓу ретките во поширокиот регион каде цените не само што не растат, туку веќе извесен период имаат тренд на намалување.
За споредба, цените кај нас се пониски од регионалните помеѓу 8 и 20 денари по литар. Најефтин безнин, после македонските граѓани точат босанците, додека најскап има во Словенија и Хрватска. Во Србија пак каде има и забрана за извоз, дизелот се продацва дури за 6 денари поскапо од кај нас.
За разлика од регионот, македонските граѓани не се соочуваат со ценовен шок пред се поради потегот на Владата во делот со намалената акциза и данок на додадена вредност. Дополнително и со договорот со Окта. Од Владата велат дека состојбата со горивата е стабилна и има доволно резерви за да се реагира доколку за тоа би имало потреба.
