Со само еден повик или посета на матичниот лекар, секој што сака ќе може да стане донор на органи. Се поедноставува постапката со која граѓаните ќе решваат што со по нивната смрт. Ова го предвидува новиот предлог-закон со кој се менува системот за трансплантација во земјава. Целта е да има помалку бирократија, повеќе почитување на волјата на луѓето.Од Министерството за здравство откриваат дека со измените се проширува и кругот на живи донори.
“Во однос на живи дарители се проширува до четврто колено досега беше до трето колено, а тоа се први братучеди. И се воведува за починати дарители она што со години здруженијата се залагаат со така наречена донорска картичка” – вели проф. Д-р Билјана Кузмановска – национална координаторка за трансплантација.
Со овие измени, се очекува да бидат спасени повеќе животи и поголема надеж за пациентите што чекаат трансплантација.
Доктoрите велат дека ова е голем чекор напред. Очекуваат повеќе донори, побрзи постапки и најважно повеќе спасени животи.
Интересно е што за само три месеци, имало осум случаи кога можело починат член на смејството да донира орган на друг член, но најблиските одбиле Докторите велат – ова се најтешките моменти, кога се е подготвено за трансплантација, а на крај одлуката на семејството ја стопира постапката. Апелираат граѓаните навреме да разговараат со своите блиски и јасно да го кажат својот став за органодарителство.
Во земјава најголем број пациенти чекаат трансплантација на бубрег – околу 1.800 луѓе во моментов се на дијализа. За трансплантација на срце, пак, чекаат околу 30 пациенти, додека приближно 15 лица се на листата за пресадување на црн дроб.
