Воведувањето на нови авио линии до Сицилија и Сардинија, наиде на одличен прием кај туристичките работници. Летовите до Палермо и Алгеро за кои информираше министерот за транспорт и врски Александар Николовски, е исполнување на барањето на македонските туристички агенции, од пред две години, за директни летови до овие туристички места. Македонските туристи, мора да бидат поврзани со едно полетување и слетување до монденски места, сметаат туристичките работници, бидејќи така расте туризмот.
„Македонските туристи ги сакаат овие дестинации. Патуваат, но со три или четири прелети, а сега ќе има можност тоа да го прават директно. Ние агенциите сме целосно подготвени за овој предизвик. Во најскоро време ќе ги поканиме нашите стопански комори за туризам од Сардинија и Сицилија, да ја посетат Македонија, да ги претстават своите понудина поубав начин, за да можеме што подобри понуди да извадиме за македонските туристи за ова лето за овие прекрасни дестинации на медитеранот“, вели Аркан Керим, претседателот на Туристичко-угостителската комора (ТУК) при Сојузот на стопански комори (ССК).
Според комората за туризам при Сојузот на стопаснки комори, ваквите дестинации ќе значат и повеќе места за сладокусците.
Алгеро претставува место каде што сакаат да патуваат македонците со подлабок џеб, бидејќи станува збор за најпосакуваната европска дестинација во месец август. Таму се наоѓа и вилата на Силвио Берлускони.
Туристичките работници сметаат дека оваа Влада ги слуша нивните потреби и тие сметаат дека и во иднина ќе има нови летови до нови дестинации кои ќе им го олеснат патувањето на македонсктие граѓани, кои до сега за вакви егзотични места морале да патуваат и до 5 часа, иако се наоѓаат релативно блиску до Македонија.
Според последните статистички податоци, минатата година од охридскиот аеродром дневно патувале за 16.3% повеќе патници од 2024 година, додека пак од Скопје полетале за 9 проценти повеќе патници.
Раст бележи и туризмот, па вкупниот број на туристите во земјава лани бил поголем за 6.0 % во однос на 2024 година.
