Граѓаните на Скопје денеска го искористија неделниот ден за уживање на сончевото време, користејќи ги пријатните температури за прошетки и рекреација на отворено. Градскиот парк е исполнет со посетители – семејства со деца, спортисти и љубители на природата, кои го искористија денот за релаксација во зеленилото на паркот.
Дел од граѓаните се упатија и кон Скопското кале, каде покрај прошетката уживаа и во погледот кон градот, додека Старата скопска чаршија беше раздвижена со посетители кои ги разгледуваа дуќаните и уживаа во традиционалната атмосфера.
Во Скопје денеска температурата достигна до 26 степени, а од вторник до крајот на седмицата следува период на променливо облачно време.
