Собраниската Комисија за еднакви можности на жените и мажите денеска ќе одржи надзорна расправа на тема „Спроведување на законите, политиките и институционалните мерки за превенција и заштита од семејно насилство, од аспект на еднаквите можности, институционалната координација, предизвиците и можностите за унапредување на ефикасноста на постапувањето на органите на извршната власт“.
Воведно обраќање на надзорната расправа ќе одржи претседателката на Комисијата за еднакви можности на жените и мажите, Жаклина Пешевска.
Според агендата, во надзорната расправа ќе учествуваат заменик-министерот за социјална политика, демографија и млади, Ѓоко Велковски, министерот за здравство, Азир Алиу, државната секретарка во Министерството за образование и наука, Елена Ивановска, државниот советник во Министерството за правда, Никола Прокопенко, директорката на ЈУ Завод за социјални дејности, Скопје, Душанка Петрова, директорот на Агенцијата за аудио и аудиовизуелните медиумски услуги, Зоран Трајчевски, Ана Аврамовска-Нушкова од Националната мрежа против насилство врз жени и семејно насилство, Себајете Зенку од Центарот за женски права „Етика Гостивар“, Весна Матевска, раководителка на програма за родово базирано насилство – ХЕРА – Асоцијација за здравствена едукација и истражување, како и Маја Атанасова од Македонското здружение на младите правници.
