Најниска температура изутринава е измерена во Берово минус еден степен, а највисока во Скопје – Зајчев Рид и Велес, осум степени Целзиусови.
Според информациите на УХМР изутринава се измерени минус еден степен во Берово, нула во Лазарополе, еден во Mаврови Анови и Попова Шапка, два во Крива Паланка, четири во Тетово и Битола, пет во Охрид, Претор, Штип, Струмица и Kрушево, шест во Прилеп и Гевгелија, седум во Куманово, Виница, Кавадарци и Демир Капија и осум во Скопје-Зајчев Рид и Велес.
Количината на врнежи за изминатите 24 часа до 08 часот во (l/m2) изнесува четири во Струмица, еден во Велес, Берово, Ѓуриште.
Времето денеска ќе биде сончево и релативно топло со мала до умерена локална облачност. Ќе дува слаб до умерен ветер од северен правец.
Максималната температура ќе биде во интервал од 17 до 24 степени.
Во Скопје, претежно сончево и релативно топло. Ќе дува слаб до умерен ветер од северен правец. Максималната температура ќе достигне до 23 степени.
