Министерот за земјоделство, шумарство и водостопанство Цветан Трипуноски денеска ја посети виничката фабриката за кондиторски производи „Винчини“, која според него, претставува вистински пример за македонски успех.
-Со извоз во над 60 земји низ светот, околу 500 вработени и широк асортиман на висококвалитетни производи, „Винчини“ покажува како се гради македонско најдобро, смета министерот Трипуновски.
Тој вели дека македонските компании се столб на домашната економија, поддршка за земјоделските производители и доказ дека нашите производи можат рамноправно да се натпреваруваат на светските пазари.
-Преку кампањата „Македонско најдобро“ го поддржуваме домашното производство и новите инвестиции, со што се промовира македонскиот квалитет, кој заслужува препознатливост и почит, порача од Виница министерот за земјоделство, шумарство и водостопанство.
Министерот Трипуноски во посетата на „Винчини“ беше придружуван од градоначалникот на Општина Виница Митко Костадиновски.
