Реклама

По цели три децении Македонија ќе добие нов Кривичен законик, текстот е веќе испратен во Брисел за нивно мислење

Министри, директори, па дури и попови – Бог простува, ама „Сејф Сити“ не: системот се шири во Битола, Струмица и Штип

Пекол на „Тракија“: 12 жртви и 48 повредени во двата масовни верижни судири во Бугарија

Економијата расте, инфлацијата се стабилизира: Стопанствениците очекуваат ваквата динамика да продлжи

Алта банка дефинитивно ќе се продаде и спаси, дури 6 банки и финансиски институции заинтересирани да ја преземат

Кравите „господарат“ со Крива Паланка: Градоначалникот немоќен и без решение за „инвазијата“ крави по градските улици

УГД ги суспендираше двајцата вработени осомничени за манипулации со студентските досиеја

АХВ прифати дел од барањата на ветеринарите

Фабриката „АСП – ПАК“ отвори нов погон во Охрид со целосно роботизирана производна линија.

Ќе и се суди во отсуство: Кочанскиот суд одби да прави циркуз од судењето на „медиумската ѕвезда“ Ива Михаилова

Инфлацијата во рамки на проекциите, во октомври 3,3%

Бензините поевтинуваат за 7 денари, дизелот за 5,5 денари за литар

Македонија

Мицкоски: Не прифаќам политички флоскули, ќе продолжи борбата против корупцијата, допрва ќе следат процеси за некои постапки во минатото

Премиерот Христијан Мицкоски ги повика граѓаните да пријавуваат случаи на корупција, нагласувајќи…

Сподели:
Фото: Алфа Вести

Премиерот Христијан Мицкоски ги повика граѓаните да пријавуваат случаи на корупција, нагласувајќи дека секој за кого ќе се докаже дека е корумпиран ќе одговара пред законот. Тој ги отфрли општите обвинувања за корупција како политички флоскули и побара конкретни докази за наводите.

Мицкоски во гостување на една од националните телевизии вели дека обвинувањата за корупција треба да бидат поткрепени со конкретни докази, наместо да се користат како политички флоскули, нагласувајќи дека Владата е посветена на конкретна и бескомпромисна борба против корупцијата.

-Каде има корупција? Еве нека ни кажат, имате ли вие доказ дека има корупција или тој што вели дека има? Кој е извештајот од Европската комисија каде што велат дека има корупција? Еве сега ќе имаме нов извештај, којшто треба да пристигне за напредокот на земјата, еве да го почекаме да видиме. Второ, тој којшто пријавил корупција и бил дел од процесот, тој што барал корупција е уапсен. Не се само двајца директори, има повеќе. И ќе има уште ако продолжат, еве и денеска имаше една таква акција којашто е поврзана со борба против корупцијата. Се спречи шверц на цигари којшто траел со децении и тоа е само почетокот на таа истрага, допрва ќе следат други докази поврзани со високи функционери на некои од минатите влади што се занимавале со шверц на цигари – истакна Мицкоски.

Реклама

Тој упати јавен повик до граѓаните да пријавуваат случаи на корупција, најавувајќи и соработка со меѓународна организација. Притоа, нагласи дека на секој што ќе пријави корупција ќе му биде гарантирана дискреција, додека секој за кого ќе се докаже дека е корумпиран ќе мора да понесе одговорност.

-Јас јавно ги повикувам граѓаните, а наскоро ќе имаме и прес-конференција со меѓународна организација, онаму каде што има корупција јавно да пријават и да постапуваме. Не прифаќам политички флоскули само дека има корупција. Добро, но дајте да ја пријавиме – потенцира Мицкоски.

Премиерот порача дека сака да е првиот човек кој ја уништил корупцијата.

-Јас сум прв противник против корупцијата. Сакам да бидам човек којшто ја уништил корупцијата. Ајде заедно сите, и тие што ги кажувате дека напишале во извештаите, не да пишуваат постои сомневање, дајте доказ. А јас ви гарантирам дискреција дека нема влакно да ви фали, а тој што е корумпиран ќе одговара – истакна Мицкоски.