Владата не сака да се меша во преговорите на синдикатите и приватниот сектор за утврдување на платите. Премиерот Христијан Мицкоски по којзнае кој пат го повтори ставот, дека Владата ќе поддржи се што ќе падне како договор помнеѓу социјалните партнери. Ден по протестот на ССМ, од собраниска говорница премиерот уште еднаш нагласи дека решението за повисокиот минималец треба да се бара на маса низ дијалог со работодавачите
Владата е таа која штоп посредува во оној бипартитен дијалог помеѓу работодавачите и работниците. И тоа е принципиелно однсеување, тоа е зрело однесување и така треба да се однесува секоја Влада. Оваа Влада така се однесува, рече Премиоерот Мицкоски во одговор на пратеничко прашања.
Мицкоски нагласува дека Владата како најголем работодавач ја завршила домашната задача со потпишување на колективните договори со гранковите синдикати кои веќе донеле повисоки плати во МВР, здравството, образованието. Тој предупреди дека Владата попвеќепати побарала од Синдикатот да го репреговаат општиот колективен договор за сите дејности но ССМ тоа го одбиле..
Бараме да го унифицираме тоа, да биде стандардо. Доволен период има три години. Имаме важечки, ќе го потпишеме индивидуален. Доволен период имаме три години да испреговараме и после 2028 година, од 2029 да си биде сè тоа веќе унифицирано. Од ССМ го одбија. Ќе кажам зошто. Затоа што тие се потписници во тој униполарен свет, кога имаа монопол во репрезентативноста на синдикатите, со поранешната Влада. И ни велеа, како сега ние сме го потпишале, како сега ние ќе се бришеме. Ова е вистината, рече Мицкоски.
Сојзуот на синдикати на Македонија инсистира на минималец од 600 евра и зголемување од 100 евра за сите плати, за што вчера одржа и протестен марш. Работодавачите не се против зголемување на платите, но инсистираат за тоа да се исполнат и одредени предуслови, како на пример продуктивноста, која е најниска во регионот. Тие укажуваат дека вештачкото линеарно зголемување на платите само ќе предизвика дополнителни проеблеми за многу бизниси кои тешко дека ќе можат да го издржат ударот. Минималната плата во Македонија е законски утврдена и таа се зголемува еднаш годишно според формулата 50% трошоци на живот и 50% раст на просечна плата. Согласно колективниот договор кај нас, таа не смее да биде пониска од 57%.
