Градоначалникот на Општина Чаир, Изет Меџити, заедно со младите од Чаир, учествуваше на Саемот на книгата во Скопје, еден од најзначајните културни настани во земјата, соопшти Општината.
Саемот, кој се одржува од 23 до 29 април во арената „Борис Трајковски“, собра околу 65 издавачки куќи од земјата и странство, нудејќи нови наслови, автори и професионални активности што ја доближуваат книгата до граѓаните.
-Саемот на книгата е простор каде што се среќаваат идеите, културата и младите. Задоволство е да се види ангажманот на младите од Чаир и нивниот интерес за книгата и знаењето, изјавил Меџити.
-Овој културен настан придонесува за збогатување на културниот живот на градот, создавајќи платформа за размена на идеи и промоција на читањето, особено кај младите генерации, се наведува во соопштението на општина Чаир.
