Српската опозиција преку Башановиќ и Заев го користи СДСМ за свои интереси, кои не одат во прилог на македонската опозиција, која се распаѓа.
Српските опозиционери Бранко Ружиќ, потпретседател на Социјалистичка партија на Србија и Јован Ратковиќ, член на претседателството на Социјалдемократската странка во Србија, на средбата во Скопје со генералниот секретар на СДСМ, договориле заедничка соработка за формирање на опозициски фронт со кој ќе делуваат во српската политичка сцена, рече Валентин Манасиевски, член на ЦК на ВМРО-ДПМНЕ на прес-конференција.
Оваа платформа за обединување на опозиции од две држави е стриктно направена поради лични и бизнис интереси на поранешниот кум на српскиот претседател, Зоран Башановиќ, а во истата му помага Зоран Заев.
Бранко Ружиќ и Јован Ратковиќ не случајно се одбрани за создавање на овој опозициски фронт, затоа што едниот е дел од партија која е дел од власта во Србија, но јавно ја критикува работата на владата иако беше дел од неа, за потоа да си даде оставка, додека другиот е човек кој на почетокот на овој милениум бил основач на движење со кое во Србија има соборено власт.
Сето ова што СДСМ преку Димитријевиќ го прави заради Заев и неговите блиски пријатели, го доведуваат СДСМ на маргините на македонската политичка сцена.
Опозицијата предводена сè уште од СДСМ, наместо да делујствва во Македонија, таа се става на услуга на други партии во други држави.
