Градоначалникот на Општина Пустец, Пали Колефски, во Скопје, на маргините на 11-тиот EUSAIR форум, остварил средба со Гилес Гител, претставник на Европската комисија во Генералниот директорат за регионална и урбана политика (DG REGIO), како и раководител на тимот за Инструментот за претпристапна помош (IPA), преговорите за проширување на Европската Унија и Јадранско-јонската макрорегионална стратегија (EUSAIR).
-Имавме многу плоден разговор, што е продолжение на нашите претходни контакти. Разговаравме за убавините на Преспа, нејзините природни ресурси и извонредниот потенцијал на општина Пустец за одржлив развој, објави Колефски.
Гител изразил желба да ја посети општина Пустец (Мала Преспа) и најавил дека истата ќе ја реализира во текот на јули, со цел да се запознае со туристичкиот, културниот и природниот потенцијал на областа, како и со предизвиците и можностите за развој во регионот Преспа.
-За време на разговорот беше нагласена важноста на регионалната соработка, развојот на одржливиот туризам, заштитата на животната средина и зелените проекти, како и улогата што Општина Пустец може да ја игра во рамките на европските стратегии и програми за Западен Балкан, додава Колефски.
Посочува дека неговата претстојна посета ќе претставува важна можност за промоција на Мала Преспа и зајакнување на врските со европските институции, во функција на одржлив развој и приближување кон стандардите на Европската Унија.
Економија
Македонија
Економија
Македонија
